H200 сериялы Toyota HiAce вэніне арналған екі жинақты Toyota концернінің GR Parts бөлімшесі әзірледі, тағы бір бодикит Modellista ательесінің жобасы. Бұл негізінен ескі модельдің сырт келбетін жаңартуға бағытталған, бірақ Modellista жүріс бөлігінің бөлшектерін де жасайды.
GR Parts I және GR Parts II ресми пакеттері қосымша аксессуарлар жинағы ретінде сатылады. Оған бамперлер, табалдырық қаптамасы, лайдан қорғағыш және 15 дюймдік дөңгелектер кіреді. Екі пакет арасындағы басты айырмашылық — стиль. Бірі жол талғамайтын көлікке ұқсас етсе, екіншісі спорттық келбет береді.
Бірінші пакеттің базалық құны — 231 мың иен (шамамен 800 мың теңге), ал екіншісі 143 мың иен (480 мың теңге) тұрады. Дөңгелектер мен лайдан қорғағыш бөлек сатылады. GR фирмалық болттары бар нөмір жақтауын ұсынады.
Modellista бөлшектері спорттық сипатқа ие. Бұл бодикитпен HiAce моделі сұсты көрінеді. Бастырықтан бөлек, газ шығару жүйесінің түтігі ұлғайды, салоны жаңа элементтер мен фирмалық аксессуарлар жинағын алды.
Ақпанның басында Auto Motive Japan ательесі Toyota HiAce моделінің айрықша түрленімін ұсынды. Бұл компания ескі Volkswagen T3 стиліндегі вэннің бірнеше нұсқасын жасады.
Комментариев: 0