Silverstone аукционында 1987 жылғы Ford Sierra 596 250 фунтқа (322.6 млн теңге) сатылды. Ұлыбританияда бұл ақшаға үш Ferrari F8 Tributo немесе екі Lamborghini Huracan алуға болады. Машинаның мұнша жоғары бағалануына жүрген жолы мен беделі ықпал еткен. Ол Sierra
Ford модельдің Cosworth қозғалтқышымен жүретін 5 мың қуатты түрленімін А тобында жарысқа қатысу үшін шығарған. 1986 жылы жазда марканың арнайы бөлімі әзірлеген үш есікті көліктер сатыла бастады. Тағы бір жыл өткен соң топтама Sierra Cosworth RS500 деп аталатын спорттық нұсқамен толықты. Бірақ олардың саны тым аз.
RS500 анағұрлым қуатты моторымен ерекшеленеді. Мамандар барынша жақсартқан екі литрлік қозғалтқыш 227 ат күші мен 277 Нм момент береді.
Sierra RS500 1980 жылдары шыққан жылдам «фордтар» арасында ең мықтысы болған. Біз сөз етіп отырған автомобиль жүрген жолы мен жақсы күтім арқасында үздік атанып отыр. 1987 жылғы спорткар небәрі 8 356 км жүріпті. Иесінің сөзіне сенсек, көлік күтімі жақсы, жөндегенде тек түпнұсқа сүзгі мен оталдыру білтесін қолданыпты. Сонымен қатар зауытта орнатқан дөңгелек тысын сақтап қалған.
Кейбір дерек бойынша бұл баға Ford Sierra үшін ғана емес, жалпы А тобына қатысы бар автомобильдер үшін рекорд болды.
Комментариев: 0