Ерекше Porsche 911 аукционға шығады

Broad Arrow аукционы Classic Club Coupe деп аталатын купені сатуға қойды. Рестомод Sport Classic (ешқашан жарық көрмеген 996 шанағындағы «911») нұсқасындағы спорткар деп аталады. Спорткарды компанияның арнайы жобалар жөніндегі директоры Грант Ларсон бастаған Porsche Classic инженерлері жасады.

Эксклюзив спорткарды мамандар былтыр көктемде құрастырды, бірақ автомобиль конвейерден 1999 жылы Porsche 911 Carrera ретінде шыққан. Америкадағы Porsche-ні жоғары бағалайтындар клубының бастамасымен автомобильді Цуффенхаузенге жеткізген, онда машина осы буынның ерекше түрленіміне айналды.

Шеберлер ерекше спорткар жасау үшін алдымен шанағын толық жаңартты. Стандарт күштік құрылымын 911 GT3-тің (996.2 нұсқасы) 3.6 литрлік моторына ауыстырды, ол 386 ат күші мен 385 Нм береді.

Купенің аспасы мен тежеу жүйесіне де GT3 компоненттері қолданылды. Sport Classic арт жағындағы ducktail стиліндегі спойлер, Fuchs дөңгелек дискісі сияқты бірқатар жаңа затпен толыққан. Шеберлер купені түпнұсқа Sport Grey түсіне бояп, интерьерін винтажды стильде әрледі. Салонға заманауи Porsche Classic медиажүйесін орнатқан.

Аукцион үйі Classic Сlub Coupe-ні қаншаға сатқалы отырғаны белгісіз.

Заманауи Porsche 911-дің ретро түрленімі былтыр сәуірде жасалды. Ол ерекше сырт пішіні және механика қорабымен ерекшеленеді, бірақ стандарт 911 Turbo моторы өзгеріссіз қалды. Компания мұндай 911 Sport Classic-тің 1250 данасын шығарады.