Ерекше «мерседес» аукционға қатысады

RM Sotheby’s аукцион үйі наурыздың аяғында Blueberry атты 1984 жылғы Mercedes-Benz 500 SEL-ді саудалайды. AMG-дің көптеген модификациясынан бөлек, бұл көлік өз тарихымен де ерекшеленеді. Қырық жыл бұрын ол AMG-дің Солтүстік Америкадағы бөлімшесінің негізін қалаған Ричард Буксбаумға сыйлық ретінде жасалған.

1 / 25

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 25

Blueberry атауы ерекше Lapis Blue Metallic түсіне байланысты берілді, Mercedes-Benz бұл реңкті сирек және аз уақыт пайдаланған. Автомобиль AMG басшысы Ханс Вернер Аухрефттің сұранысы бойынша осы түске боялыпты. Ол бұған дейін Буксбаумның SE және SEL модельдерінде ашық түстер жоғына шағымданғанын естіп, серіктесін таңғалдырмақ болған.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Салоны сұр түсті былғарымен қапталып, зебрано ағашынан жасалған ендірмелер пайда болды. Gemballa ательесі жаңа рөл мен S-класс купесінің орындықтарын орнатып, есік қаптамаларын ауыстырды. Аспасына Bilstein амортизаторларын қолданып, машинаның түсіне сәйкес келетін жаңа дөңгелектер орнатқан. 270 ат күшіне ие 5 литрлік V8 бастапқы күйінде қалғанымен, арнайы газ шығару жүйесін алды, ал трансмиссиясы фирмалық дифференциалмен жабдықталды.

Ричард Буксбаум бұл автомобильді бір жылдан астам уақыт жеке көлік ретінде жүргізіп, жоғары мәртебелі клиенттерге арналған такси ретінде де пайдаланған. 1986 жылы ол миллиардер Рик Коэннің ұсынысынан бас тарта алмай, седанмен қош айтысты. Кейін 500 SEL тағы бірнеше адамның қолында болды, бірақ 2022 жылы Буксбаум Blueberry-ді қайта сатып алып, оны қалпына келтіруге 120 мың доллар жұмсады.

Аукционшылар бұл ерекше седанның ашық бәссаудаға алғаш қатысқалы отырғанын және AMG-дің Mercedes-Benz-пен бірігуіне дейінгі ең маңызды модельдердің бірі екенін атап өтті.