Ең үлкен «Москвич» Ресейде саудаға шықты

«Москвич» автозауыты жаңа «Москвич 8» кроссоверін клиенттеріне ұсына бастағанын хабарлады. Бұл — кәсіпорын шығарған ең ірі көлік. Бренд оны үш комплектацияда ұсынады, бірақ бір ғана қозғалтқышпен жабдықталып, алдыңғы жетекті болады. JAC JS8-дің сыңары 2.98–3.37 млн рубль (20–23 млн теңге) тұрады. Қазақстанда JS8-дің бағасы 12.9 млн теңгеден басталады.

1 / 5

• 
• 
• 
• 
• 

1 / 5

«Москвич 8-дің» өлшемдері — 4825×1870×1758 мм, дөңгелек базасы — 2830 мм, жүксалғыш көлемі — 2153 литр. Өлшемі жағынан JS8-ге өте жақын, тек клиренсі 30 мм артқан.

1 / 4

• 
• 
• 
• 

1 / 4

Автомобиль 174 ат күші бар 1.5 литрлік қозғалтқышпен жүреді, бірақ моменті 300-ден 280 Нм-ге төмендеген. Трансмиссиясы бірдей — 7 сатылы робот. Машина алдыңғы жетекті. «Москвич 8» 6 орынды болмайды және бастапқы түрленімі JS8-дің базалық жинағына қарағанда қарапайым.

Жақында «Москвич» топтамасы 5 индексті модельмен толығады. Ол 3 пен 8-дің арасына жайғасады. Компания Мәскеуде машинаның тест түріндегі партиясын әзірледі, қазір сынақтан өтіп жатыр. Қазақстанда бұл модель JAC JS5 деген атаумен саудаға түседі.