Bilweb Auctions аукцион үйі конвейерден 2014 жылы шыққан соңғы Saab-ты сатпақ. Небәрі 66 шақырымды еңсерген көлік өмірінің көп бөлігін бұрынғы NOHAB зауытының ғылыми-техникалық орталығының аумағында орналасқан Saab музейінде өткізген.
9-3 Aero Turbo4 седанының қақпақ астына 220 аттың күшін беретін 2 литрлік бензинді турбомотор орнатылған. Айналу сәті дөңгелектерге 6 сатылы автомат арқылы беріледі. Сатушылар «жап-жаңа» Saab-тан 45 мың доллар пайда табуды көздеп отыр.
9-3 Aero нұсқасының марка швед-қытайлық NEVS холдингіне тиесілі болған кезеңде құрастырылғанын атап өткен жөн. Жұмысы алға баспаған мекеме «Сааб» көліктерін 2012-ден 2014 жылдар аралығында шығарған-тын, ал 2016 жылы Saab логотипін пайдалану мүмкіндігінен айырылып қалды. Десе де оған ұқсас көліктерді әлі де жасай алады. 2019 жылдың жазында Қытайда Saab 9-3 үлгісіне ұқсайтын NEVS электромобильдері шығарыла бастады.
Комментариев: 0