FangChengBao (Leopard) маркасының модельдік топтамасы 5 және 8 индексті рамалы екі Bao жол талғамайтын көлігінен тұрады. Бұл тізімге 3 индексті базалық нұсқа қосылады деген ақпарат болған, бірақ BYD ол Titanium (Қытайда Tai) деп аталатын жаңа бағыттың алғашқы өнімі болатынын хабарлады. Алғашқы Tai кроссовері сертификат алды, Қытай өнеркәсіп министрлігі жариялаған суреттен төбесінде дроны бар нұсқасы шығатынын көруге болады.
Tai 3-тің сырт пішіні көктемде жарық көрген FangChengBao Super 3 концептісіне ұқсайды. Бірақ алдыңғы бөлігіндегі және табалдырықтағы элементтер жинағымен, дөңгелек аркасы және өзгеше артқы бөлігімен ерекшеленеді, арт жақтағы бесінші есікте шағын заттарға арналған бокс болады. Марка машинаның интерьер суретін жариялаған жоқ.
Tai 3-тің өлшемі — 4605×1900×1720 мм, дөңгелек базасы — 2745 мм, дроны бар нұсқасы 210 мм биік болады. Жаңа өнімнің кіру және шығу бұрышы — 25 және 28 градус, 18 немесе 19 дюймдік дөңгелек дискісімен жабдықталған. Кроссовер алдыңғы осьте — 150 ат күші, артқы осьте 272 ат күші бар электромотор жұбымен жүреді. Электрокардың ең жоғары жылдамдығы — 201 км/сағ. Жүріс қоры қазірше белгісіз.
Қытайлық БАҚ сериялы FangChengBao Tai 3 2025 жылдың бірінші жартысында шығатынын, бағасы 200 мың юаньнан (14 млн теңге) басталатынын хабарлады. Tai топтамасы Bao аудиториясына қарағанда жолсызға көп шықпайтын, бірақ саяхаттағанды жақсы көретін отбасылы клиенттерге арналған.
Комментариев: 0