Компания өткен аптада F-150 Lightning өндірісі тоқтағанын растады. Бұған бір электрлі пикаптың өздігінен жанып кеткені себеп болған. Carscoops басылымы өндіріс орнында тергеу жүріп жатқанын, ол 23 ақпанға дейін жұмыс істемейтінін жазды.
От аккумулятор батареясынан шығыпты. Detroit Free Press таратқан мәліметке сүйенсек, көлікті мамандар сапасыз құрастырған не батарея ішінде ақау бар. Ford қазір аккумулятор шығаратын SK On фирмасымен тығыз байланыста жұмыс істеп жатыр.
Мәселе бары бастапқы кезеңде анықталғаны жақсы болды. Былтыр АҚШ-та 15 мың F-150 Lightning сатылған. Егер бұл кемшілік өзінен-өзі өртенуі мүмкін жүз мыңдаған машина жолда жүргенде белгілі болса, өндіруші әлдеқайда көп шығынға ұшырайтын еді.
Комментариев: 0