Электрлі Volkswagen саудасы өсті

Электрлі Volkswagen саудасы өсті

Автоконцерн 2025 жылдың бірінші жартысында жақсы нәтиже көрсетті.

Кейінгі кезде клиенттер объективті және субъективті себептерге байланысты Tesla-дан бас тартып әрі өзге автоөндірушілер EV сегментін жаңа өнімдермен толтырып жатыр. Бұл нарықтағы жағдайды біршама өзгертті.

Ресми дерек бойынша, 2025 жылдың алғашқы алты айында электрлі Volkswagen саудасы — 14.3 % (192 600 машина), батареялы Audi саудасы 32.3 % (101 400 машина) өсті. Сондай-ақ электролі Porsche (+279 %, 34 200 машина), Skoda (+147.8 %, 73 000) және Cupra (+105.3 %, 37 600) брендтеріне сұраныс артты.

Продажи электрических Volkswagen существенно выросли

Концерннің бестселлері VW ID.4 кроссовері мен оның купе тәрізді ID.5 түрленімі болды. Олардың жалпы 84 900 данасы өтті. VW ID.3 хетчбэгі (60 700 дана) екінші орынға жайғасты. Ал үздік үштікті Audi Q4 E-Tron/ Sportback (44 600) түйіндеді.

Биыл қаңтар мен маусым арасында Volkswagen концерні 465 500 электромобиль сатты, бұл былтырғы көрсеткіштен 47 % көп. Жалпы саудадағы электрокар үлесі 7-ден 11 %-ға өсті.

CNN дерегіне сүйенсек, бұл кезеңде BYD саудасы 1 млн данаға жеткен, ал Tesla 721 мың машина саудалады. Оның үстіне америкалық компанияның саудасы бәсеңдеп, Қытай маркасының көрсеткіші өсіп барады.

Продажи электрических Volkswagen существенно выросли
Volkswagen ID. 2all

Сондай-ақ Volkswagen-нің ең қолжетімді модельдері әлі саудаға шыққан жоқ. Motor1.com хабарлағандай, 2026 жылы 25 мың еуро тұратын ID.2, ал 2027 жылы одан да арзан ID.1 (20 мың еуро) нарыққа шығады.