Электрлі Porsche Macan Қазақстанға келді

Биыл қаңтарда Porsche әлемге Macan кроссоверінің екінші буынын таныстырды. Бұл модель толығымен электрлі болып, 800 вольттық PPE платформасында жасалған. Ол бір немесе екі электромотормен және сыйымдылығы 100 кВт⋅сағ литий-ионды аккумулятормен жабдықталады.

Желтоқсанның басында жаңа өнім елге келді. Бренд оны Алматыдағы Көктөбеде ресми таныстырып, сол жерде Macan-ның алғашқы иесіне кілтін табыстады.

1 / 8

• 
• 
• 
• 
• 
• 
• 
• 

1 / 8

Біздің елде екінші буын өкілінің артқы осьте 340 ат күшіне ие моторы бар моножетекті түрінен бастап, 639 ат күшін және 1130 Нм момент беретін екі күштік құрылымы бар Macan Turbo-ға дейінгі барлық нұсқасы сатылады. Мұндай кроссовер алғашқы жүздікті 3.3 секундта еңсереді, бұл кейбір 911-ден жылдам. Ұзаққа шабатын машина 613 шақырым жүрсе, Macan Turbo-ның жүріс қоры 591 шақырымға жетеді.

1 / 10

• 
• 
• 
• 
• 
• 
• 
• 
• 
• 

1 / 10

Жаңа Porsche Macan-ның салон архитектурасы алдыңғы панелінде үш дисплей және ортаңғы консольде климат басқару блогы бар қазіргі Cayenne моделін еске салады. 10.9 дюймдік жолаушыға арналған экран қосымша опция ретінде ғана қолжетімді.

Автомобильдің опциялар тізімі өте кең. Оған бірнеше шанақ түсі, тапсырыс бойынша түс таңдау мүмкіндігі, салонын қаптайтын материал түрлері, орындықтың бірнеше түрі, орындық жылытқыш пен желдеткіш, электронды көмекшілер жинағы, аудиожүйелер және т.б. кіреді.

1 / 9

• 
• 
• 
• 
• 
• 
• 
• 
• 

1 / 9

Техникасына келер болсақ, электрокарда клиренсін өзгертуге мүмкіндік беретін пневмоэлементтер мен екі клапанды бейімді амортизаторлар бар. 5 градусқа бұрылатын артқы дөңгелектер де қолжетімді.

Электромобильдің елдегі бағасы 85 505 еуродан (шамамен 46 млн теңге) басталады. Macan 4-тің толық жетектісі 89 340 еуродан (48 млн теңге) жоғары тұрады, Macan Turbo-ны кем дегенде 123 915 еуроға (66.7 млн теңге) аласыз. Ал бірінші буындағы бензинді Macan үшін сатушылар 80 463-110 785 еуро (43.3-59.6 млн теңге) сұрайды.