Электрлі Nissan Skyline GT-R-дің сипаттамасы жария болды

Nissan Токио автосалонында R32 EV индексті жобасын таныстырды. Ол — BNR32 буындағы Skyline GT-R-дің батареялы нұсқасы, оны қызметкерлер арасындағы энтузиастар тобы құрастырған. Жоба жетекшісі купені электр жетекке ауыстырған кезде әзірлеушілер донордың барлық сипаттамасын сақтап қалуға тырысқанын айтты.

Стандарт 2.6 литрлік «алтылықтың» орнын алдыңғы және артқы осьтегі екі электромотор басты. Агрегаттың жалпы қуаты — 435 ат күші мен 680 Нм. Купенің қуаты бір жарым есе артқан, бірақ әзірлеушілер бұл қадамға машинаның әу бастағы қуаты мен салмағының ара қатынасын сақтау үшін ғана барғанын айтты.

Артқы диванның орнына Leaf Nismo-ның 62 киловатт батареясы қойылғандықтан, R32 EV донор спорткардан 370 келі ауыр болады. Әзірлеушілер машинаның жүріс қоры қанша болатынын айтқан жоқ.

Электромодтың жүріс қоры Nismo және Ohlins компоненттерімен толықты, ал тежеуіш механизмі GT-R-дің қазіргі буынымен жұмыс істейді. Оларды сыйғызу үшін 16 дюймдік стандарт дөңгелек дискісін 18 дюймдік дискіге ауыстырды.

1 / 3

• 
• 
• 

1 / 3

R32 EV-нің сырт пішіні түпнұсқамен бірдей. Интерьері де донорға ұқсас көрінеді (тіпті беріліс қорабы иінтірегін де сақтап қалған), бірақ салонда өзгеріс көп. Аспаптар панелі ілеспе графикасы бар цифрлы дисплейге ауысқан. Стандарт креслоның орнын арнайы Recaro орындығы басты. Сондай-ақ рөлде берліс қорабы жапырақшасы пайда болды, электромод жүргізушісі онымен беріліс ауыстыруды имитациялай алады.

Жоба жетекшісі, күштік құрылым бөлімшесінің басшысы Рёзо Хираку заманауи технология көмегімен спорткардың сипаттамасын сақтай отырып жаңа өмір сыйлау үшін электромобильді жасауға өзінің R экземплярын пайдаланды деген ақпарат бар.