Электрлі Hyundai Staria-да ұйықтап, демалуға болады

Марка 4 орынды Staria Camper концептісін Штутгарттағы Caravan, Motor und Touristik Show автоүй көрмесінде таныстырды. Компания оны Еуропа нарығында сұраныс бар-жоғын зерттеу үшін шығарыпты. Бренд өкілдері шоукар халыққа ұнаса, тауар түріндегі модельге электрлі күштік құрылымы бар минивэн негіз болатынын атап өтті.

Бұл концепт ең алғаш 2022 жылы ел алдына шыққан Hyundai Staria Lounge Camper-ден аумайды. Машина Оңтүстік Кореяда 68.6 млн воннан (23.7 млн теңге) саудаланды.

1 / 7

• 
• 
• 
• 
• 
• 
• 

Staria Camper концептісі минивэннің рестайлингке дейінгі нұсқасына негізделген. Бренд оның жаңарған түрленімін былтыр желтоқсанында өз отанында көрсетті

1 / 7

Кемпердің сыртқы әйнегі «ақылды» категорияға жатады: ол жылу мен дыбысты жақсы оқшаулап, ультракүлгін сәуледен қорғайды. Әйнектің мөлдірлік деңгейі электроника көмегімен реттеледі.

1 / 11

• 
• 
• 
• 
• 
• 
• 
• 
• 
• 
• 

1 / 11

Төбеде орналасқан күн панелі күн ашық кезде 2.6 кВт·сағ-қа дейін электр энергиясын жинай алады. Ол борттық жабдықтың жұмысына, жүріс қорының артуына көмектеседі. Staria EV-дегі батареяның сыйымдылығы 84 кВт·сағ.

Салонда шұңғылшасы бар ұзын үстел, жиналмалы асхана үстелі, көлемі 36 литр тоңазытқыш, ыдыс-аяқ пен өзге де жабдықтарды сақтайтын бөлім орналасқан. Алдыңғы жолаушы креслосы бұрылады, ал екінші және үшінші қатардағы орындықтар бүктеліп, екі адамдық кең төсекке айналады. Ыстық климатта аса қажет климат-бақылау жүйесі де бар.