Электрлі «Гелендвагенге» арналған жаңа батарея шығады

Mercedes-Benz инженерлері тұсаукесері сәуірдің аяғында Бейжің автосалонында өткен батареялы «гелендвагеннің» күштік құрылымын жетілдіріп жатыр. Autocar хабарлағандай, компания G 580-нің жүріс қорын бір жарым есе арттыра алатын жаңа аккумулятор әзірлейді.

Mercedes-Benz инженерлері және марканың америкалық серіктесі Sila Nanotechnologies өкілдері батарея корпусының құрылымы мен машина рамасына әсер етпеу үшін сыртқы өлшемі бірдей аккумулятордың энергия сақтау тығыздығын арттыруға ниетті. Mercedes-Benz графиттің орнына кремний анодын пайдалануды көздеп отыр, ол аккумулятордың негізгі көрсеткіштерін 40 % жақсартады.

1 / 6

• 
• 
• 
• 
• 
• 

G 580 with EQ Technology Edition One

G 580 with EQ Technology Edition One

G 580 with EQ Technology Edition One

G 580 with EQ Technology Edition One

G 580 with EQ Technology Edition One

G 580 with EQ Technology Edition One

1 / 6

Бірақ жоба авторлары қазірше 20 пайыздық межеге жетуді жоспарлап отыр. Сонда 139 кВт⋅сағ батареяны қазіргі корпусқа салуға болады, соның арқасында G 580-нің жүріс қоры (қазір 473 км) жүз шақырым артады. Энергия сақтау тығыздығы 40 % ұлғайса, батарея сыйымдылығы 162 кВт⋅сағ болады, ал жүріс қоры шамамен 650 км-ге жетеді.

Әзірлеушілер технология 2026 жылы дайын болатынын есептеді. Марка жаңа аккумуляторды батареялы геликке опция ретінде ұсынады. Мұндай батарея EQE, EQS сияқты өзге де Mercedes-Benz электрокарларына қойылады.

Электрлі жол талғамайтын көлік жалпы қуаты 587 ат күші мен 1164 Нм болатын төрт мотормен жүреді. G 580 алғашқы жүздікті 4.7 секундта еңсереді, ең жоғары жылдамдығы — 180 км/сағ. «Гелендваген» бензинді нұсқасының жол талғамайтын ерекшеліктерін сақтап қалды, машина Германияда кем дегенде 142.6 мың еуро тұрады.