Электрлі Dodge Charger-дің лифтбэк нұсқасы шықты

Компания Charger Daytona деп аталатын электрокар топтамасына жаңа әрі ыңғайлы модификация қосты. Бұл нұсқа алғаш рет модельдің премьерасы кезінде жарық көргенімен, толық ақпарат тек бір жылдан соң пайда болды. Жаңа Charger Daytona-ның пішіні седанға ұқсағанымен лифтбэк болады. Шанақ элементтері мен күштік құрылымы купедегідей.

Бес есікті көліктің өлшемдері купемен бірдей, жүксалғыш көлемі 1059 литрге жетеді. Интерьері де өзгермеді.

Лифтбэктің 630 ат күшіне ие (850 Нм) ең қуатты Scatpack нұсқасы ғана сатылады. Онда екі электрлі мотор және қосымша 40 ат күшін 10 секундқа қосатын Powershot функциясы бар. Көлік алғашқы жүздікті (60 миль) 3.3 секундта еңсереді, ширек мильді 11.5 секундта жүріп өтеді, ең жоғары жылдамдығы — 217 км/сағ.

1 / 7

• 
• 
• 
• 
• 
• 
• 

1 / 7

110.5 киловатт батареяның арқасында жүріс қоры 388 шақырымға жетеді. Батареяны 20-дан 80 %-ға дейін қуаттау үшін 24 минут жеткілікті, бірақ ол үшін 350 кВт қуаттау станциясы қажет.

1 / 8

• 
• 
• 
• 
• 
• 
• 
• 

1 / 8

Электрокардың базалық комплектациясына 12.3 және 16 дюймдік дисплейлері бар медиажүйе, екі аймақты климат-бақылау және жүргізуші ассистенттерінің кешені кіреді. Қосымша ақыға панорамалы шатыр, Alpine-ның 18 динамигі, электр жетекті жүксалғыш есігі, сымсыз қуаттағыш және басқа опциялар қосуға болады. Track Pack деп аталатын арнайы пакет спорттық орындықтар, бейімді амортизаторлар, 20 дюймдік дөңгелектер мен Brembo тежеуіш жүйесімен жабдықталады. Бұл жүйе 6 поршенді суппорттар мен 16 дюймдік дискілерден тұрады.

Болашақта Charger топтамасы бензинді алты цилиндрлі Hurricane қозғалтқышы бар Sixpack нұсқасымен де толығады. Саудасы жазда басталады деп жоспарланған еді, бірақ компания бес есікті электромобильді таныстырғанда оның премьерасын биылғы жылдың аяғына шегергенін хабарлады.