Электрлі Cadillac Optiq-тің қуатты нұсқасы шықты

Cadillac спорттық V-Series топтамасын жаңа электрокармен толықтырды. Бұл — Lyriq-тен кейінгі екінші модель. V индексін алған Optiq-тің қуаты бір жарым есе артқан. Автомобильдің өндірісі биыл күзде басталады.

1 / 5

• 
• 
• 
• 
• 

1 / 5

Cadillac-тың шағын кроссовері АҚШ-та екі мотормен сатылады. Базалық нұсқа 300 ат күшіне тең агрегат алса, Optiq-V-дің қуаты 519 ат күшіне (880 Нм) жетеді. Салмағы 2.5 тоннаға жуық электромобиль 60 мильді 3.5 секундта еңсереді. Ол үшін стандарт лаунч-бақылау мен күштік құрылымның қуатын барынша арттыратын Velocity Max режимін қосу керек.

Жаңа өнімде қарапайым нұсқадағыдай 85 киловаттық батарея қалғанымен, жүріс қоры 43 шақырым азайған. Америкалық EPA циклі бойынша Optiq-V 443 км жүреді. Көлік NACS стандартына сай қуаттау портын алады, бұл Tesla станцияларын қолдануға мүмкіндік береді. 113 шақырымға жететін жүріс қорын 10 минутта толтыруға болады.

1 / 5

• 
• 
• 
• 
• 

1 / 5

Жаңа Deep Ocean деп аталатын шанақ түсінен бөлек, модель карбоннан жасалған аэродинамикалық элементтер, бірегей радиатор торы, 21 дюймдік жаңа дискілер, Brembo тежеуіші және арнайы жасалған шинамен жабдықталған. Бренд машинаға спорттық баптаулары бар бейімді амортизаторлар орнатады, ал жүріс электроникасы тартым векторын басқара алады. Салондағы жаңа рөл мен карбон қаптамалар ғана спорттық сипат береді, алайда қосымша ақы төлеп, интерьерін көк түсті ендірмелермен әрлеуге болады. 33 дюймдік дисплей мен 19 AKG динамигі бар.

Cadillac Optiq-V тек АҚШ пен Канадада емес, Мексика мен Таяу Шығыста ресми түрде сатылады. АҚШ-та бұл электрокардың құны 68 795 доллардан (35 млн теңгеге жуық) басталады.