Electra Orbit — Buick-тің Қытайға арналған концептісі

Buick жергілікті модельдер топтамасының құрметіне Electra Orbit атауын алған су жаңа концепт-карын таныстырды. Дизайны айрықша ірі автомобильдің сәнді салонында бұрын-сонды болмаған интерфейс элементтері көп. Бренд өкілдері көліктің техникасына қатысты еш ақпарат бермеді, жобаның болашағы туралы да сөз қозғамады. Дегенмен Buick үшін аспан асты елі аса маңызды нарық саналады, тіпті өз отаны АҚШ-тан артық.

1 / 6

• 
• 
• 
• 
• 
• 

1 / 6

Концепт жобасын General Motors-тың Шанхайдағы дизайн-студиясы мен SAIC мамандары әзірлеген, авторлар өткен ғасырдың ортасындағы өнеркәсіп дизайнына тән футуристік эстетикадан шабыт алдық деп мәлімдеді. Бұл кезеңде ғарыш тақырыбы танымал болып, ерекше пішін қолдану белең алған.

1950 жылдар эстетикасы машинаның созыңқы пішіні мен ұзыншақ артқы жағынан байқалады. Бүкіл есігі тігінен ашылады. Шанағында ортаңғы тірек жоқ, арасындағы қуыс Bugatti Veyron-ды еске салады. Концептіде бампер бөліктері мен артындағы екі жылжымалы спойлер сияқты қозғалып тұратын аэродинамикалық элемент жетерлік.

1 / 7

• 
• 
• 
• 
• 
• 
• 

1 / 7

Ұзындығы алты метрге, ені екі метрге жуық Electra Orbit-тің салонында небәрі төрт кресло бар. Олардың арасын алдында жартылай мөлдір сфера орналасқан консоль-постамент бөліп тұр. Бұл интерфейстің жүргізуші мен автомобильді байланыстыратын негізгі элементі екен. Көлікте дәстүрлі дисплей жоқ, бірақ алдыңғы панельдің бір бөлігі қажет ақпаратты көрсетеді. Одан бөлек голографиялық проектор қойған. Шоу-кар толыққанды автопилот алды.

Техникасына келер болсақ, модель бренд Қытайда сатылатын модельдеріне орнатып жүрген Xiao Yao платформасына негізделетіні ғана белгілі. Марка алты электрлі көліктен тұратын суббрендін Electra деп атамақшы. Оны құру процесі жыл ішінде аяқталуға тиіс.