Газбен жабдықтау және тауарлық газды ұтымды пайдалану мәселелері бойынша Қазақстан Республикасының кейбір заңнамалық актілеріне енетін өзгерісті депутаттар бүгін мақұлдады.
Мәжілістің баспасөз қызметі хабарлағандай, заң жобасында газ бекеттеріндегі қауіпсіздікті қамтамасыз етуге бағытталған бірқатар шара бар. Атап айтқанда, жаңа ашылған станциялар отын сақтайтын бакты жер астына орналастыруы керек, ал қазір жұмыс істеп жатқандарға 2031 жылғы 1 қаңтарға дейін уақыт беріледі. Құжатқа автомобиль мен тұрмыстық газ баллонына арнайы белгіленген орыннан тыс жерде газ құюға тыйым салынады деген норма қосылды.
Елде автогаз тапшы, соған қарамастан станциялар көбейіп келеді. Сондықтан әкімдіктер өңірдегі газ бекетінің шекті санын бекіте алады.
Билік автогаздың шекті бағасын белгілеген. Ең жоғарысы — литріне 117 теңге. Бұл облыс орталығынан 200 км шалғайда жатқан аудандарға арналған прайс.
Комментариев: 0