Біраз уақыт бұрын Әкімшілік полиция комитеті басшысының міндетін атқарушы Қайсар Сұлтанбаев Қырғызстан мен Арменияның ресми органдары автокөлікті қашықтан есептен шығарудан бас тартқанын айтқан. Tengrinews.kz Ресейден келген көліктерге қатысты мәселе әлі анықталып жатыр деп жазды.
«Нәтиже оң болса, халыққа БАҚ арқылы мәлімет береміз. Оған дейін бұл іс көлік иелеріне жүктеледі. Машинаны есептен шығару тіркелген елдегі заңнама талаптарына сай жүзеге асады», — деді ведомство өкілдері.
ІІМ шетелдік автомобильдің ел аумағына қашан кіргенін шекарашылар мен кеден қызметінің базасынан білетінін атап өтті. Деректер базасында машина нөмірі мен VIN-коды сақталады. Бұл процесс толықтай автоматты жұмыс істейді. Автокөлік келген уақыт туралы нақты мәлімет болмаса, міндетті сақтандыру полисі рәсімделген уақыт қаралады.
Ресей, Армения немесе Қырғызстанда тіркелген көлікті қалай есептен шығаратынын Kolesa.kz редакциясы заңдастыру шарасы басталмай тұрып түсіндірген.
Комментариев: 0