![[gallery ids="297948,297898,297950,297956,297958"]](https://kolesa-photos.kcdn.online/kolesa-read/d27bcc95c777b817aeb3780024ddfda2dfa6aef6-1193x671.jpg)
Porsche компаниясы 911 спорткарының атауында Dakar қосымшасы бар көтеріңкі түрленімі таныстырылатын уақыт жақын қалғанын ел есіне салды. Ол үшін неміс мамандары франциялық автошабандоз Ромен Дюмамен бірге «911-дің» экстремал нұсқасын жасап, Аргентина мен Чили шекарасында орналасқан әлемдегі ең биік жанартау Охос-дель-Саладоға (6893 метр) шығуға жіберді.
7 сатылы механикамен жұмыс істейтін, 3 литрлік турбомотормен (440 ат күші) жүретін толық жетекті Carrera 4S спорткары адам танымастай өзгерді. Фотосуреттен машинаға үлкен бүртабан шина орнатылғанын көруге болады. Оның ені — 310 мм. Дөңгелекке орын кеңейту үшін инженерлер шанақты өзгертумен қатар, борттық редуктор орнатып, «911» клиренсін 350 мм-ге жеткізді. Машинада дифференциалды бұғаттағыш, төменгі бөлігін қорғау, дәнекерленген қауіпсіздік қаңқасы, шығыр және экспедицияға қажетті өзге де жабдықтар бар.
Қайта жабдықталған қос неміс спорткары тәжірибелі альпинистердің көмегінсіз тау асып, тас басып 6007 метр биікке көтеріле алды.
Комментариев: 0