Каким будет рестайлинг второго поколения Duster

Екінші буындағы Duster рестайлингтен өтті

Жаңарған кроссоверді фототыңшылар байқап қалды.

Renault Duster-дің екінші буыны Қазақстанға 2021 жылы ғана келді. Бірақ Dacia маркасымен жарық көрген кроссовер Еуропа жолдарында 2017 жылдан бері жүйткіп жүр. Демек машинаны жаңартатын кез келді. Жақында желіде тараған суреттерге қарасақ, жаңарған Dacia Duster-ді таныстыратын күн алыс емес секілді.

Каким будет рестайлинг второго поколения Duster

Қолда бар ақпаратқа сенсек, бұл суреттер Канар аралдарында түсірілген. Олардан машинаны анық көру қиын, бірақ кейбір өзгерісті байқауға болады. Ең алдымен шамдары көзге түседі. Сыртқы пішіні бұрынғы қалпында қалғанымен, ішкі бөлігі жаңа. Sandero мен Logan стилінде жасалған. Артқы жағында да осындай өзгеріс болуы мүмкін.

Каким будет рестайлинг второго поколения Duster
Largus.fr басылымы жасаған рендер

Осы мәліметтер негізінде Францияның largus.fr басылымы жаңарған Duster-дің рендерін жасады. Оның қаншалықты дәл шығатынын уақыт көрсетеді.

Каким будет рестайлинг второго поколения Duster
Largus.fr басылымы жасаған рендер

Модельдің интерьері мен техникалық жағы туралы ақпарат жоқ. Бірақ қымбат нұсқасына үлкен дисплейі бар мультимедиа кешені орнатылады деп сеніммен айта аламыз. Ал арзан нұсқасы Sandero мен Logan-ның ізімен экрансыз қалуы мүмкін.

Рестайлингтен өткен Duster қазірше Қазақстанға келмейді. Біздің елде екінші буын өкілі жақында ғана сатыла бастады. Кроссовер 1.6 (117 а. к.) және 2 литрлік (143 а. к.) атмосфералы мотормен, сондай-ақ 1.3 литрлік (150 а. к.) турбомотормен ұсынылады. Жақында 1.5 литрлік дизельді нұсқасы қатарға қосылуы мүмкін. Барлық модель толық жетекті. Көліктердің құны 8-10.1 миллион теңге аралығында. Әрі бұл опция қоспағандағы баға.

Комментариев: 0

Чтобы оставить комментарий, вам необходимо зарегистрироваться или авторизоваться.