Nissan Kick кроссоверінің жаһандық нұсқасы 2016 жылы жарық көрген болатын, алайда біздің көріп тұрғанымыз оның дәл өзі емес, бізге таныс B0 платформасындағы үндістандық нарыққа бейімделген автокөлік. Кезінде еуропалық Renault Captur дәл осындай қағида бойынша ресейлік Kaptur-ге айналған еді.
B0 платформасына ауысқан көлік біраз салмақ қосыпты. Дөңгелек базасы 63 мм-ге (2 673 мм), ал ұзындығы 89 мм-ге (4 384 мм) артқан. Десе де, сырттай қарағанда түпнұсқасына өте ұқсас. Көшірмені тек аяқшаға бекітілген жаңа бүйірлік айналарынан, алдыңғы есіктердің терезесіндегі үшбұрышты бөліктер мен өзге бамперлерінен тануға болады.
Ал салонның жағдайы мүлде басқа. Мұнда айырмашылық жетерлік. Өзге Kicks-ке тек екі бөлшек, яғни алдыңғы панельдегі контрастылы қосымша мен желдету жүйесінің домалақ дефлекторлары ғана ұқсайды. Ал «ниссан» шеберлерінің интерьердің өзге бөліктерін қайдан алғанын аңғару тіпті де қиын емес. Ол үшін аспаптар панелі мен климаттық құрылғыны басқару блогына көз салса болғаны.
Үндістандық Nissan Kicks моторларын «Каптюрдан» алған. Мұнда сөз 105 және 110 ат күшіне ие1.5 литрлік бензинді және дизельді агрегаттар жайлы болып отыр. Қораптары әзірге тек 5 және 6 сатылы механикалық, ал автомат кейінірек пайда болады. Көлік алдыңғы жетекті.
Жаңа көліктің Үндістандағы сатылымы басталып кетті. Кроссовердің құны Renault Kaptur мен Hyundai Creta-ның бағасымен шамалас. Темір тұлпардың ТМД елдеріне қашан жетері әзірге белгісіз. Ол 2020 жылы келіп қалуы мүмкін деген болжам бар. Сондай-ақ, автокөліктің атауын ауыстыруы да ғажап емес. Біздің «Авторевюдегі» әріптестеріміз берген ақпаратқа сенсек, ол Gripz деп атты иеленеді екен.
Ниссан перестал для меня существовать как автопроизводитель с тех пор, как связался с этими умниками из Renault.
Боюсь Ниссану глубоко фиолетово, существует ли он для Вас или нет
Если сравнить машину с одной из разновидностью животных, то перед нами Морская свинка или Барсук!)