ЕЭО дөңгелек дискісіне жаңа баж салығын салады

Еуразиялық экономикалық комиссия Жапония, Таиланд, Түркия және Малайзиядан келетін құйма дөңгелек дискісіне жаңа баж салығын енгізді. Демпингке қарсы тариф 13-20 дюймдік дөңгелек дискісіне арналған.

Шешім ЕЭК-нің 2023 жылғы 1 наурызда бастаған тексеріс нәтижесіне сай қабылданды. Мамандар жоғарыда аталған елдерден ЕЭО экономикасына зиян келтіретін демпинг импорт жүріп жатыр деген қорытындыға келген. Жаңа баж салығының мөлшері өнімнің кедендік бағасына және өндіруші елге байланысты 9.38-42.82 % болады. ЕЭК салықты бес жылға енгізіп отыр. Диск шинамен қапталған не қапталмағаны маңызды емес.

ЕЭК сауда министрі Андрей Слепнёв шетелдік бәсекелестердің демпингі жергілікті өндірушілерді диск бағасын оның өзіндік құнына сай өсіруіне мүмкіндік бермейтінін айтты. Бұл шығынды арттырып, табысты азайтады.

Бұған дейін ЕЭК Қытайдан дөңгелек дискісін кіргізуді қиындататын осыған ұқсас механизм енгізген. Қазір мұндай өнімді ЕЭО аумағына әкелгенде 33.69 % баж салығын төлеу керек. Тариф алғаш рет 2019 жылы пайда болған, ал былтыр күзде оның мерзімі 2029 жылғы қарашаға дейін ұзарды.