Компания өз клиенттерін электромобиль жасап қана қоймай, жолсыз жерде еркін жүретін автопилот орнату арқылы да қызықтыруды көздеп отыр. Бұл әзірше еш баламасы жоқ технология, сондықтан Jeep оны бірінші болып сынап көреді.
Биыл жазда бренд жұрт назарына Grand Cherokee 4xe гибридінің сынақтан өткен сәті түскен деректі видео ұсынады. Мамандар бірнеше машинаға автономды жүргізу жүйесін орнатып, Мохаве шөліндегі трассаға шығарады. Алдын ала жарияланған қысқа роликте жүргізушісі жоқ автомобиль өз бетінше жартасты шатқалдан өтіп бара жатқанын көруге болады.
Компания болашақ көмекші тәжірибелі жүргізушілерге ғана емес, көлік рөліне жаңа отырғандарға да пайдалы болатынына сенімді. Бас директордың орынбасары Кристиан Менье жүйе тас жолда және одан тыс жерлерде жұмыс істейді деді.
Комментариев: 0