Дроны бар Fang Cheng Bao моделі жолға шығатын күн таяп қалды

Tai 3 (Titanium 3 немесе Leopard 3) деп аталатын машина рамасыз құрылымға ие, десе де жол талғамайтын көлік мәртебесін сақтап қалады. Оның басты технологиялық ерекшелігі — шатырындағы дрон. Бағасы 139 800 юаньнан (9.7 млн теңге) басталады.

Fang Cheng Bao Tai 3 брендтің отбасылық көлік сегментінде нық тұруына көмектеседі, бірақ сырттай 5 және 8 индексті модельдерден сұсты көрінеді. Электрокардың агрессивті бамперлері мен табалдырықтары кеңейген дөңгелек аркаларымен үйлеседі, артына үлкен бокс орнатылған. Алдыңғы бөлігінің X тәрізді дизайны Lada немесе Mitsubishi-ді еске салады. Интерьері екі дисплеймен жабдықталған және қарапайым көрінгенмен, ортаңғы тоннельдегі ірі батырмалар Tai 3-тің жолсыз жердегі мүмкіндіктерін меңзейді.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Өлшемдері — 4605×1900×1720 мм, дөңгелек базасы — 2745 мм. Квадрокоптері бар нұсқаның биіктігі — 1930 мм. Қазір бренд Tai 3-ті бір немесе екі моторы бар екі түрлі күштік құрылыммен ұсынады, бірақ тек соңғысының техникалық сипаттамасы белгілі. Ол алдыңғы осьте — 150 ат күші, артқы осьте 272 ат күші бар электромотормен жүреді. Мұндай кроссовер алғашқы жүздікті 4.9 секундта еңсереді, максимал жылдамдығы — 210 км/сағ.

1 / 9

• 
• 
• 
• 
• 
• 
• 
• 
• 

1 / 9

Барлық модификацияның жүріс қоры 501 шақырымға жетеді. Бес комплектацияның төртеуі 72.96 киловаттық батарея алса, 203 800 юань (14 млн теңге) тұратын ең қымбаты 78.72 кВт⋅сағ аккумулятормен жабдықталған. Бұл жиынтықта дрон болғандықтан, көбірек қуат жұмсайды.

1 / 6

• 
• 
• 
• 
• 
• 

1 / 6

Квадрокоптер Ling Yuan деп аталады. Оны BYD мен DJI бірлесіп жасаған және ол көліктің шатырындағы бокстан автоматты түрде ұшып шығып, кері қона алады. Қозғалыс кезінде қосу үшін жылдамдық 25 км/сағ-тан аспауы керек. Дронды мультимедианың ортаңғы дисплейі немесе смартфон арқылы басқаруға болады. BYD бұл жүйе контент жасауға және айналаны бақылауға көмектеседі деп санайды. Tai 3-те God’s Eye жүргізуші ассистенттерінің кешені және жолсыз жерлерге арналған арнайы режимдер бар.