Dreame-нің суперкары Ferrari-ге ұқсап қалды

Робот шаңсорғыш пен басқа тұрмыстық техника шығаратын Dreame алғашқы суперкарының суреттерін жариялады. Бұған дейін рендерде көлік Bugatti Chiron тәрізді болса, енді Dreame дизайнерлері сырт келбетін Еуропадағы басқа фирманың өніміне ұқсатқан сияқты. Аты жоқ купенің премьерасы қаңтардың басында Лас-Вегаста өтеді.

Аласа, шатыры еңіс және дөңгелек аркасы ерекше Dreame дизайн жағынан соңғы Ferrari флагмандарын еске салады. Bugatti-ге де тән элементтер бар. Мамандар алдыңғы жүріс шамын эксклюзив Brouillard купесінен алғандай. Фотодан артқы моношам, антиқанат және ірі диффузорды көре аласыз. Суперкар төрт есікті болады, сондықтан Италиядағы суперкарлармен емес, Porsche Taycan-мен бәсекелеседі.

Әзірге техникалық сипаттамасы белгісіз. Дегенмен Қытайдағы басылымдар купе тәрізді Dreame моторларының жалпы қуаты 1000 ат күшінен асады деп болжап отыр. Ол алғашқы жүздікті 1.8 секундта еңсереді.

Dreame екі автомобиль топтамасын бірден ұсынбақшы. Біріншісіне эксклюзив суперкарлар кіреді, екіншісі кроссоверлер мен жол талғамайтын көліктерден тұрады. Олар Қытайдың премиум брендтерімен ғана емес, Bentley Bentayga және Rolls-Royce Cullinan сияқты Еуропаның люкс модельдерімен бір сатыда тұрады. Сериялық машиналар 2027 жылы нарыққа шығуы ықтимал.