Маусымның соңғы демалысында елде екі автожарыс болады. Қостанай облысында трофи-рейдтен «Ураган Трофи» деп аталатын Қазақстан чемпионатының үшінші кезеңі жоспарланған.
«Ураган Трофи», 27–29 маусым
Трофи-рейд бәсекесі Талы көлінің маңындағы Жаңасу ауылында өтеді. Лагерь координаты төмендегі сілтемеде.
Ұйымдастырушылар дәстүр бойынша үш арнайы кезең дайындап отыр. Біріншісі бүгін, жұма күні сағат 21:00-де басталады. Ол — түнгі GPS-бағдарлау бәсекесі. Сенбі күні сағат 12:00-де басталатын екінші кезең — күндізгі бағдарлау жарысы. Ал ең қызық бәйге 29 маусымға жоспарланған. Сағат 10:00-де спортшылар айналма жарысқа қатысады.
Шабандоздар бірнеше класс бойынша бақ сынайды, стандарт жол талғамайтын көліктен тартып экстремал прототипке дейін бәйгеге өнер көрсетеді.
«Соколдағы» драг бәйгесі, 28 маусым
28 маусымда спортшылар Алматы маңындағы Sokol кешенінде драг-рейсингтен Dynamic AutoTech Centr кубогын сарапқа салады. Ұйымдастырушылар 402 метрлік жарыстың әдеттегі форматын аздап өзгертіп, «гандикап» класын қосты. Мұнда уақыт көрсеткіші әртүрлі автомобильдер сайысқа түседі, бірақ баяу жүретін машина жарыс жолына ертерек шығады.
Жарыс 18:00-де басталады. Кіру ақылы. Трибуна билеті — 5000 теңге, ал технопаркке кіру үшін 20 000 теңге төлеу керек.
Комментариев: 0