Dodge жақында Charger Daytona электрлі купесін конвейерден алып тастайды. Бұл жоспарды Carscoops басылымына компания өкілі растапты. Ресми мәлімет бойынша бренд топтаманы кеңейту үшін осындай шешім шығарған, бірақ кей дереккөз батареялы маслкар өтпей қалған деп жазды.
Біраз уақыт бұрын ел алдына шыққан Dodge Charger Daytona
Басылым дилерлердің қоймасында бірнеше мың электрокар қаңтарылып тұрғанына сенімді. Олардан құтылу үшін бағасын екі есе (31 мың доллар) түсіріпті. Жоспарды қайта қарауға да дәл осы жағдай түрткі болған сияқты.
Dodge өндіріс көлемін қысқарту Sixpack атауын алған бензинді көліктерді көптеп құрастыруға мүмкіндік береді деп мәлімдеді. Турбиналы Hurricane моторымен жүретін модельдер 2025 жылдың екінші жартысында конвейерге тұруы керек. Компания төрт есікті Charger жобасын аяқтауға көп күш салады. Бұл түрленімді купемен бірге таныстырған, бірақ әлі шығарған жоқ.
Келер жылы ең арзан Charger Daytona өндірісі қайта бастала ма, белгісіз. Дегенмен модель қайта оралмайды деген болжам бар.
Комментариев: 0