«Сергек» камералары үшін 2019 жылы қала бюджетінен 600 млн теңге бөлінді. Мұндай ірі қаражаттың жұмсалуына мәслихат депутаты Зейнолла Шібкеновтің наразылық танытқанын Tengrinews.kz хабарлайды.
— Ол сонда әлеуметтік тұрғыдан әлсіз бе? Тапқан ақшаны соған аудару керек. Біз сол үшін өткен жылы 2.5 миллиард қаржы бөлгенбіз, — деп мәлімдеді халық қалаулысы.
Шібкеновтің мәлімдемесіне жауап қайтарған Астана қаласы Стратегиялық және бюджеттік жоспарлау басқармасының басшысы Расул Оразғұлов жеке серіктеспен жасалған келісімшартты мәслихаттың мақұлдағанын, ал 2019 жылы «Сергекке» қызмет ететін компанияға жалпы сомасы 5 млрд теңгені құрайтын қаржы төленуі тиіс екендігін айтты. Бұл қаражаттың бір бөлігін төленген айыппұлдан түскен ақшамен жабады екен.
— Келісімшартқа сәйкес, жеке серіктес 8 млрд теңгеден аса инвестициялық шығынға ұшырады және жыл сайын операциялық шығындарды өз мойнына алады. Біз өз тарапымыздан операциялық және инвестициялық шығындарды өтеу міндетін мойнымызға алдық. Биыл біз оларға 5 млрд теңге төлеуге міндеттіміз, оның 2 млрд теңгеге жуық сомасы — инвестициялық шығынды өтеуге, ал 3 млрд теңге операциялық шығындар мен сыйақыға жұмсалады, — деді Оразғұлов.
Комментариев: 0