АҚШ-тың Техас штатына қарасты Галвестон қаласындағы кафелердің бірінде қызмет ететін Адрианна Эдвардс үйінен 11 шақырым жердегі (шамамен Абай даңғылының Саиннан Достыққа дейінгі бөлігі сияқты) жұмысқа күн сайын жаяу баруға мәжбүр еді. Бұған бес сағат уақыт кететін.
26 қараша күні даяшы таңғы ас ішуге келген ерлі-зайыпты қонақтарға қызмет көрсетеді. Қыздың жағдайынан хабардар болған кісілер тамақтың ақысын төлейді де, кетіп қалады. Бірнеше сағаттан соң 2011 жылғы Nissan Sentra-мен оралып, кілтін ұсынады.
Адрианна бастапқыда бұл қалжың деп ойлайды, дегенмен қолы ашық жандардың алдап тұрмағанын түсінгенде, төбесі көкке бір елі жетпей қалады. Енді ол жұмысқа бару үшін бар болғаны жарты сағат уақыт жұмсайды.
Комментариев: 0