Билік Шымбұлакқа оның маңында тұратын немесе сонда жылжымайтын мүлкі бар азаматтарға іштен жанатын қозғалтқышы бар көлікпен көтерілуге 2023 жылдың сәуірінде тыйым салған еді. Бүгін Конституциялық сот бұның Қазақстан Республикасының Конституциясына сәйкестігін қарау жөнінде өтінім түскенін хабарлады.
Сот хабарлағандай, өтінім беруші қаулының бір тармағы оның іштен жанатын қозғалтқышы бар көлікпен өз баспанасына еркін жету құқығын бұзады және электромобиль иелеріне жеңілдік беріп, дәстүрлі моторы бар машина иелерін бөліп-жарады деп санайды.
Конституциялық сот бұл мәселе бойынша қандай шешім шығарғанын кейін жариялайды.
Алматы билігі мегаполисті шығарынды деңгейі төмен аймақ ретінде бөліп, тек электрокар мен экологиялық класы Еуро-5-тен жоғары бензин және газбен жүретін автомобильдерді тегін кіргізуді көздеп отыр. Қалғандары, тіпті жаңа дизельді машина мінгендер ақы төлейді. Бұл талап қала қонақтарына да, оңтүстік астанада тұратын азаматтарға да қатысты. Мұндай шешімнің заңдылығы күмән тудырады, бірақ әкімдік жаңа экоережені мәслихат қарауына жіберуге дайындалып жатыр.
Комментариев: 0