Күз мезгілі ортасынан асып, аяқталуға да жақын қалды, ал бұл көлік дөңгелетерін ауыстыру жайлы ойланатын уақыт жетті деген сөз. Бұл шараның биылғы маусымы жүргізушілер үшін былтырмен салыстырғанда қымбаттау болайын деп тұр. Орташа баға барлық жерде бірдей артпаса да, айрмашылығы кәдімгідей байқалады.
Редакция дәстүр бойынша дөңгелек ауыстыру шарасының Қазақстанның ірі қалаларындағы бағаларын салыстыра келе, орташа құнын есептеп шығарды. Біз жазғы жинақты бөлектеу мен қысқы дөңгелекті теңгере отырып монтаждау қызметі үшін қанша ақы алынатынын есептедік.
Қайда арзандау?
Дөңгелек ауыстыру бәрінен де Атырау, Тараз, Талдықорған, Семей және Шымкент қалаларында қолжетімдірек. 2018 жылдың көктемімен салыстырғанда, бұл қызмет түрі біршама қымбаттаған: 15 не 16 дюймдік дөңгелек үшін шамамен 3 мыңнан 3.5 мың теңгеге дейін ақы алады. Бұл жерде сөз пішіні 55 %-тен көп дөңгелек қаптары туралы болып отырғанын айта кетейік.
Қайда қымбатырақ?
Дөңгелек ауыстырудың Алматы мен Астана тұрғындары үшін анағұрлым қымбатқа түсетіні ешкімді де таңдандыра қоймайтыны жасырын емес. Бұл мегаполистерде аталған қызмет құны орта есеппен 4 300 теңгеден басталады. Қалаларда 2-3 мың теңге берсе-ақ іске кірісетін ұсақ орындар жетерлік. Есесіне, 55-пішіндегі 17 дюймдік дөңгелектерді ауыстырғаны үшін қалтаңызды 7 600 теңгеге қағатын ірі орындар да бар. Айта кететін жәйт, резеңкені жуып, қаптау да осы сомаға кіреді.
Қазақстанның ірі қалаларындағы дөңгелек ауыстыру қызметінің орташа құны, 2018 жылдың қазан айы
| Қала/диск көлемі | R13 | R14 | R15 | R16 | R17 және жоғары |
| Алматы | 4 300 | 4 450 | 4 600 | 4 600 | 5 250+ |
| Астана | 4 400 | 4 600 | 4 900 | 4 900 | 6 000+ |
| Петропавл | 3 500 | 3 500 | 3 650 | 3 650 | 4 300+ |
| Орал | 3 100 | 3 100 | 3 400 | 3 400 | 5 600+ |
| Атырау | 2 600 | 2 600 | 3 000 | 3 100 | 6 200+ |
| Ақтөбе | 3 500 | 3 600 | 4 200 | 4 200 | 5 800+ |
| Павлодар | 3 300 | 3 300 | 4 300 | 4 300 | 5 400+ |
| Ақтау | 3 500 | 3 600 | 3 750 | 3 750 | 4 600+ |
| Қостанай | 3 600 | 3 600 | 3 950 | 3 950 | 4 800+ |
| Шымкент | 2 600 | 2 600 | 3 500 | 3 500 | 3 800+ |
| Қарағанды | 2 960 | 3 150 | 3 800 | 3 800 | 4 850+ |
| Талдықорған | 2 900 | 2 900 | 3 200 | 3 200 | 4 000+ |
| Өскемен | 3 100 | 3 100 | 3 500 | 3 500 | 5 800+ |
| Тараз | 2 700 | 2 700 | 3 100 | 3 100 | 3 950+ |
| Семей | 2 500 | 2 500 | 3 200 | 3 200 | 3 950+ |
| Қызылорда | 3 300 | 3 300 | 3 650 | 3 900 | 4 900+ |
Жол талғамайтын көліктің, минивэннің не кроссовердің дөңгелегін ауыстырасыз ба?
Биіктеу көлік алған ба едіңіз? Онда тек дөңгелек қабы үшін ғана емес, дөңгелектерді ауыстыру үшін де көбірек қаржы жұмсауға дайын болыңыз. Бағадағы айырмашылық жеңіл көлікпен салыстырғанда 2.2 мың теңгеге дейін барады. Бұл арзан емес, рас қой? Ал дөңгелегі 33 дюймнен асатын көлік иелерінен кейбір жерлерде қосмша 3 000 теңге алуы мүмкін.
Комментариев: 0