Cupra Tindaya — марканың ең үздік өнімі

Cupra Мюнхен автосалонында Атлант мұхитындағы Испания аралдарының біріндегі жанартау атымен аталған Tindaya концептісін көретті. Бренд осы арқылы машинаның болжауға келмейтін сипаттамасын бейнелегісі келеді.

Cupra Tindaya-ның ұзындығы — 4.72 метр, дөңгелек дискісі — 23 дюйм. Машина дизайны Lamborghini Urus-ты еске салады. Шанақ формасы мен аэродинамикалық бастырығы жол талғамайтын көліктің шассиімен үйлесіп тұр.

1 / 9

• 
• 
• 
• 
• 
• 
• 
• 
• 

1 / 9

Tindaya гибрид күштік құрылыммен жүреді. Екі электромотордың жалпы қуаты — 496 ат күші. Ал аккумулятор 1.5 литрлік дәстүрлі қозғалтқыштан қуат алады. Машина электр қуатымен 300 км жүреді, жалпы жүріс қоры — 1000 шақырым.

Салон 2×2 формасында орналасқан, есіктері екі жаққа ашылады. Биобылғарымен қапталған CupBucket креслоларын ұзын ортаңғы консоль бөліп тұр. Жүргізуші алдында 24 дюймдік экран бар. Жабдықтар тізіміне Sennheiser аудиожүйесі мен алдыңғы әйнектің төменгі бөлігіне орнатылған проекциялық панель кіреді.

1 / 5

• 
• 
• 
• 
• 

1 / 5

Cupra машина жүргізуден ләззат алғанды жақсы көретін жандарға арналған, сондықтан Tindaya-да автопилот болмайды. Тіпті сенсорлы басқару да жоқ, оның орнын дыбысты көмекші басқан.

Қазірше Tindaya тек Cupra-ның жаңа фирмалық стилін көрсететін концепт. Ол сериялы өндіріске шықса, марканың флагманына айналары анық.