11 тамыз күні Көлік құралының типін мақұлдау құжаттары сақталатын базаға Chevrolet Tahoe мен
Tahoe Қазақстанда саудаланып жатыр, сондықтан құжаты жаңарған шығар деп топшыласақ болар еді, бірақ мұнда бір ескеретін жайт бар. Мотор көлемі жазылатын жерде 6162 текше см деп тұр. Демек капот астында 6.2 литрлік V8 жатыр, ал қазір автосалондар сатып жатқан машиналар 5.3 литрлік мотормен жүреді. Ірілеу агрегат 425 ат күші мен 623 Нм момент береді.
Автомобиль ұзын екенін де айта кеткен жөн. Бұл Қазақстанға жаңарған Tahoe келетінін аңғартады. Оны өзгеше әрленген алдыңғы бөлігі мен 17.7 дюймдік медиакешен экраны бар жақсарған салонынан танисыз, аспасы қайта бапталған. Chevrolet жол талғамайтын көліктеріне көз үйренген қорап селекторын қайтарып, батырмалы пульттен бас тартты. Селектор бұрынғыдай рөлде орналасқан, бірақ оны шайқалып тұратын джойстик түрінде жасапты.
Дерекқордан Suburban туралы ақпарат табылды. Қазір оны жекелеген импорттаушылар ғана әкеледі. Ол да 2024 жылдың аяғында рестайлингтен өтіп, «Тахонікіне» ұқсайтын салон мен көптеген опция алды. Біршама үлкен Suburban 10 сатылы автоматпен жұмыс істейтін 6.2 литрлік (426 а.к.) V8 көмегімен қозғалады.
Екі модельді де бренд өнімдерін жасауға машықтанған Қостанайдағы Allur зауыты ірі торапты әдіспен құрастырады.
Suburban-ға тиесілі көлік типін мақұлдау құжатының базаға енуі автомобиль расымен конвейерге тұрып, саудаға шығатынын білдірмейді. Мұндай жағдайлар тым сирек, бірақ бұрын тіркелген.
Комментариев: 0