Chery сұсты гибрид кроссовер жасады

Бренд Fulwin топтамасындағы X3 кроссоверлерінің қатарына жаңа модель қосты. X3L бұрын шыққан автомобильдерден ірі және жүріс қоры ұзаққа жетеді. Ол гибрид күштік құрылым алды. 1200 км еңсере алатын көлік 119 900-159 900 юань (9.1-12.2 млн теңге) тұрады.

1 / 10

• 
• 
• 
• 
• 
• 
• 
• 
• 
• 

1 / 10

Өлшемдері — 4545×1950×1815 мм, дөңгелек базасы — 2783 мм. X3L ең үлкен электрлі Fulwin X3-тен 165 мм ұзын. Сырты қырлы стильде жасалған, бірақ кейбір ерекшеліктері бар. Мысалы, жаңа модельдің дөңгелек аркасы төртбұрыш, шанағында боялмаған пластик элементтер көп.

Автомобильде 21 дюймдік дискілер, қапталға ашылатын жүксалғыш есігінде Қытай автоөндірушілеріне тән ұсақ-түйекке арналған бокс тұр. Оған демалыстан кейінгі лас не дымқыл заттарды салуға болады. Клиренсі — 225 мм. Машина 625 мм таяз суды кешіп өте алады.

1 / 10

• 
• 
• 
• 
• 
• 
• 
• 
• 
• 

1 / 10

Chery Fulwin X3L-дің салонындағы тікбұрышты алдыңғы панель мен ауа өткізгіштер сыртқы дизайнымен үйлеседі, ортаңғы тоннельдегі ірі тұтқалар оның жолсыз жерге бейімделгенін көрсетеді. 15.6 дюймдік дисплейі бар медиажүйе Snapdragon 8155 чипімен жұмыс істейді. Chery жаңа өнім саудаға шыққан сәттен бастап жүксалғыш, кейс, баспалдақ сияқты жолсызға арналған қосымша аксессуарлар, бейімді амортизаторлар мен жүргізуші ассистенттерінің кешенін ұсынады.

1 / 11

• 
• 
• 
• 
• 
• 
• 
• 
• 
• 
• 

1 / 11

Кроссовердің қарапайым модификациясы 156 ат күшін беретін 1.5 литрлік мотормен және 252 ат күшіне ие (300 Нм) электромотормен жабдықталған. 33.68 кВт·сағ батареяның арқасында мұндай X3L электр қуатымен 215 км жүре алады. Үздік нұсқалардың қуаты қосымша электромотордың арқасында 428 ат күшіне (505 Нм) дейін артады. Батарея қуаты 135 шақырымға ғана жетеді, бірақ алғашқы жүздікті 4.7 секундта еңсереді.

Марка X3 топтамасының базалық модельдерін тамызда көрсетті. Олар тек электромотормен жүреді, жүріс қоры 520 км-ге жетеді және бағасы 89 900 юаньнан (7 млн теңгеге жуық) басталады.