Chery Range Rover-дің трюгін қайталай алмады

Жеті жыл бұрын Range Rover Sport жарнама кезінде Қытайдағы Тяньмэньшань тауындағы 999 баспалдақтан тұратын «Жұмақ қақпасына» шығып, өз мүмкіндігін көрсетті. Бұл Land Rover-дің тәжірибелі өндіруші ретіндегі беделін арттырды.

Chery халыққа Land Rover-ден кем түспейтін көлік жасай алатынын көрсетейін деп жаңа Fulwin X3L электрлі кроссоверімен сол трюкті қайталауды ұйғарды, алайда бәрі ойдағыдай өтпеді.

Fulwin X3L жолдың шамамен үштен бір бөлігін бағындырған кезде кенеттен тоқтап қалды да, төмен қарай сырғып, қоршауды бұзып өтті.

Chery қауіпсіздік сымы дөңгелекке оралып, машинаның қуаты азайды деді. Компания кешірім сұрап, ескерткішті қалпына келтіру үшін бар күшін салуға және өтемақы төлеуге уәде берді.