Chery Қытайда Fulwin T11 гибридінің бағасын жариялады

Chery Қытайда Fulwin T11 бензин-электрлі кроссоверіне тапсырыс қабылдай бастады. Жаңа модель төрт комплектацияда сатылады, екі жетек түрі бар, жүріс қоры 1400 км-ге жетеді, салонда 30 дюймдік үлкен дисплей орналасқан. Гибрид 199 900–264 900 юань (15–20 млн теңге) тұрады.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Кроссовердің өлшемі — 5150 × 1995 × 1800 мм, дөңгелек базасы — 3120 мм. Алдымен алты креслолы нұсқасы саудаға шығады. Жүксалғыш көлемі — 1650 литр.

Барлық түрленімнің күштік құрылымы 1.5 литрлік дәстүрлі қозғалтқыш және бір немесе екі электромотордан тұрады. Автомобильдің артқы жетекті нұсқасы 265 ат күшіне ие, ал үш моторлы түрленімнің қуаты 469 ат күшіне жетеді. Алғашқы жүздікті сәйкесінше 9.3 және 5.4 секундта еңсереді. Батарея сыйымдылығы — 33.68 немесе 39.92 кВт⋅сағ. Fulwin T11 электр қуатымен 220 км жүре алады. Энергия қорын 30-дан 80 %-ға дейін толтыруға 20 минут қажет.

Жаңа өнімнің алты түрлі жұмыс режимі бар. Аспасы толық тәуелсіз. Қымбат машинада бейімді амортизатор болады. Базалық T11-дің өзіне 11 қауіпсіздік жастығын қойған, үздік электрондық көмекшілер кешенімен де жабдықтаған.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Жабдықтар тізіміне алдыңғы панельдің оң жағында орналасқан 30 дюймдік экран мен 10.25 дюймдік аспаптар панелінен тұратын медиажүйе кіреді. Аудиожүйе 23 динамикті. Алты креслоның бәрін электр көмегімен реттеуге және жылытуға, алдыңғы екі қатарды желдетуге болады. T11 артқы жолаушыларға арналған төбедегі экран, үш аймақты климат-бақылау, жылытуға болатын рөл және 9.2 литрлік тоңазытқыш алды.

Chery Fulwin T11 экспортқа Exlantix премиум брендінің өкілі ретінде шығады. Флагман Ресейде 2026 жылы саудаланады.