Chery «Ле-Манға» қатысатын алғашқы Қытай концерні атануға ниетті

Chery әйгілі «Ле-Мандағы 24 сағат» жарысына қатысуды жоспарлап отыр. CarNewsChina дерегінше компания жарыс ұйымдастырушыларымен келісімге қол қойған және бес жылдық стратегия әзірлеген, нәтижесінде Exeed автомобильдері Circuit de la Sarthe трассасында бақ сынайды.

Бес жыл ішінде Chery болид жасауы керек, себебі ондай техникасы жоқ. Концерн жас пилоттарға арналған арнайы іріктеу бағдарламасын іске қоспақшы, үздік қатысушылар команда құрамына қосылады. Бұл жоба Exeed Unified Race деп аталады.

Chery мен «Ле-Ман» ұйымдастырушылары Қытай концернінің штаб-пәтеріне жақын жерге жаңа автоспорт кешенін салады. Марка трассада халықаралық деңгейдегі жарыстар өткізу үшін сертификат алып, оны Chery құрамындағы брендтердің жаңа модельдерін сынақтан өткізу үшін пайдаланады.

Chery мен Exeed алдағы екі-үш жылда өз мүмкіндігін ALMS («Азиялық Ле-Ман») жарысында сынап көрмекші. Кейін топтамаға сериялық суперкар қосылуы ықтимал, себебі кейбір класта машина жарысқа қатысу үшін оның жалпы жолға арналған нұсқасы болуға тиіс.

Бұған дейін Chery «Дакар» ралли-марафонына оралатынын хабарлады. 2010 жылы Оңтүстік Америкадағы жарысқа бірнеше Rely X5 аттанды. 2026 жылы концерн «Ле-Манға» негізгі брендті шығармайды. Прототип Ebro деп аталады, ол — Еуропада испан маркасының логотипін таққан Қытай кроссовері.