Chery Чэнду автосалонында Fulwin топтамасының T11 индексті флагман кроссоверін көрсетті. Машина гибрид күштік құрылымы және алты орынды салонынан бөлек, бірқатар өзгеше опциясымен ерекшеленеді. Оның арасында алдыңғы панельдегі 30 дюймдік ірі дисплей және жүксалғыштағы қауіпсіздік жастығы бар.
Chery жаңа қауіпсіздік жастығы әлемдік автоөнеркәсіп үшін тың дүние деп санайды. Қауіпсіздік жастығы үшінші қатардағы кресло мен жүк бөлігі арасында орналасқан. Ол артқы жақтан соққы тигенде ашылып, артқы қатардағы жолаушылардың басын шанаққа соғылудан қорғайды.
«Китайские автомобили» басылымы Қытайда көліктің артына қатты соққы тигенде үшінші қатардағы жолаушылардың үштен бірі көз жұмып,
Үш қатарлы Chery Fulwin T11-дің өлшемі — 5150×1995×1800 мм, дөңгелек базасы — 3120 мм. Күштік құрылымы 156 ат күшіне ие 1.5 литрлік дәстүрлі мотор және екі электромотордан тұрады. Олардың қуаты қазірше белгісіз, бірақ кроссовер алғашқы жүздікті 5 секундқа жетпейтін уақытта еңсереді деген ақпарат бар.
Fulwin топтамасының флагманы электр қуатымен 170–220 км жол жүре алады, ал жалпы жүріс қоры —1400 км. Модель 30 дюймдік дисплей, шағын аспаптар панелі, артқы жолаушыларға арналған төбедегі 17.3 дюймдік экран, 23 динамик және 9 литрлік тоңазытқышпен жабдықталған. Екінші қатардағы креслода массаж және желдету функциясы бар.
Жаңа өнімге қазір тапсырыс беруге болады, бірақ Chery жаңа өнімнің сипаттамасын, бағасын, машина қолға қашан тиетінін жариялаған жоқ. Fulwin T11 экспортталады. Мысалы, Ресейде E02 индексімен сатылады, ол 2026 жылы шығатын Exlantix премиум топтамаға қосылады.
Комментариев: 0