2025 жылы сәуірде Chery концерні Еуропа, Таяу Шығыс және Латын Америкасы нарығына арналған Himla атты пикаптар топтамасының тұңғыш моделін таныстырған. Жаңа өнім әу баста бензинді және дизельді күштік құрылыммен жарық көрген, енді электрлі нұсқасы шықты. Ол Қытайда Rely R08 EV деген атаумен сатылады.
Батареялы пикап арнайы логотип және жалған радиатор торында орналасқан қуаттау портының қақпағымен ерекшеленеді. Автомобиль баспалдақ типті рамаға негізделген, қосарлы кабинасы бар. Бірақ жүк бөлігінің қысқа немесе ұзын екі түрі болады. Сол себепті модельдің өлшемі екі түрлі: 5330 (5610) × 1920 × 1890 мм. Ал дөңгелек базасы бірдей — 3230 мм.
Бір моторлы және екі моторлы күштік құрылым алған артқы жетекті нұсқаның қуаты — 201 а.к. және 350 Нм. Мұндай машина 8.8 секундта жүзге дейін жылдамдық алады. Ал 402 ат күшіне ие (540 Нм) толық жетекті түрленім алғашқы жүздікті 5 секундта еңсереді.
Клиент сыйымдылығы 66.54 немесе 88 кВт·сағ екі литий-темір-фосфатты батареяның бірін таңдайды. Олар CLTC стандарты бойынша 405–510 км жүріс қорын қамтамасыз етеді.
Интерьері сарғыш және қара түске боялған. Салонда цифрлы аспаптар панелі мен 12.3 немесе 15.6 дюймдік сенсорлы планшет орналасқан.
Rely R08-дің стандарт комплектациясы қарапайым
CarNewsChina хабарлағандай, Rely R08 өз отанында алты комплектацияда сатылады. Бағасы — 127 800–158 800 юань (шамамен 9.18–11.4 млн теңге).
Комментариев: 0