Chery компаниясы Fengyun A8 седанының ресми суреттерін жариялады. Бұл атаумен жергілікті нарыққа Қазақстанда Arrizo 8 ретінде танылған бензинді-электрлі төрт есікті нұсқа шығады. Аспан асты елінде гибрид биыл саудаға түседі. Бағасы 130 мың юаньнан (8.3 млн теңге) басталады. Ол шетелде де сатылады.
Алғашқы суреттерден Fengyun A8 Arrizo 8-ден өзгеше әрленген логотип және шанақтың ұсақ элементтерімен ерекшеленетінін байқауға болады. 12.3 дюймдік дисплейден тұратын қосарлы экран, батырмасы көп рөл, есік карталарындағы кресло баптағыштар және брендке тән селектор қорабы сияқты интерьердегі негізгі ерекшеліктері сақталыпты.
Arrizo 8-де 1.6 литрлік турбомотор (186 а.к.) тұрса, Fengyun A8-ге бір сатылы редуктормен байланысқан 1.5 литрлік турботөрттік (156 а. к., 220 Нм) және электромотор (204 а. к., 310 Нм) орнатады. Мұндай седан әлдеқайда қарқынды болады. Алғашқы жүздікті 7.6 секундта алатын автомобильдің жоғары жылдамдығы — 185 км/сағ. Жалпы 1.4 мың км жол жүріп, 4.2 литр отын тұтынатын кроссовер электр күшімен 107 шақырымды еңсереді.
Chery шет елде Amulet деп танылған алғашқы модельдерін Fengyun деп атаған. Ресейде де осындай Chery саудаланған еді. Бренд «жасыл» күштік құрылымға ие суббрендке осы танымал атауды бермекші. Жаңа Fengyun концерннің басқа модельдерінің гибрид нұсқасы болады. Мысалы, Fengyun T9 — электрлі Tiggo 9.
Компания бензинді-электрлі седанды ішкі нарықта сатумен ғана шектелмейді. 2024 жылдың басында Arrizo 8 Ресейде саудаға шығады. Ол жақта жаңа модель Tiggo 8 Pro және Tiggo 7 Pro-ның қатарына қосылады. Бірақ төрт есікті автомобиль қандай атаумен экспортқа шығатыны әзірге белгісіз. Қазақстанда бензинді Chery Arrizo 8-дің бағасы 13.8 млн теңгеден басталады.
Комментариев: 0