Биыл шілдеде Қытай өнеркәсіп министрлігі Chery концернінің жаңа гибрид кроссовері туралы ақпарат берген еді. Fulwin T11 деп аталатын бұл модель осындай индексті концептінің сериялық нұсқасы. Енді компания алғашқы ресми суреттерін, техникалық сипаттамасын жариялады.
Fulwin T11-дің сырт келбеті бұрыннан белгілі болса, бренд интерьерін алғаш рет көрсетті. Алдыңғы панельдегі ірі 30 дюймдік 6K экраны бірден көзге түседі, оның жанында шағын цифрлық аспаптар панелі орналасқан. Дизайнерлер ешқандай батырма қалдырмады, бірақ ортаңғы консольде бірнеше түйме бар. Онымен жүріс режимін таңдап, апаттық шамды қосуға болатын сияқты. Артқы жолаушыларға арналған тағы бір 17.3 дюймдік дисплей төбеге орнатылған.
Ұзындығы шамамен 5.2 метрлік кроссовер 154 ат күшін беретін 1.5 литрлік турбомоторға негізделген гибрид күштік құрылыммен жүреді. Бұл мотор тек генератор ретінде жұмыс істейді және тікелей дөңгелектерді айналдырмайды. Оның рөлін электрлі қозғалтқыштар атқарады, бірақ олардың қуаты әзірге белгісіз. Автомобиль 33.7 және 39.9 кВт·сағ батареямен жабдықталады, онымен жүріс қоры 170 және 180 шақырымға жетеді.
Fulwin
Комментариев: 0