Changan Nevo A06 арзан болады

Changan Қытайда Nevo (Qiyuan) топтамасына кіретін жаңа лифтбэкке алдын ала тапсырыс қабылдай бастады. A06 индексті бес есікті көлік тек артқы жетекті, алты түрленімінің жүріс қоры әртүрлі. Бағасы қазір 119 900–159 900 юань (9.2–12.3 млн теңге) аралығында.

1 / 8

• 
• 
• 
• 
• 
• 
• 
• 

1 / 8

Nevo A06 екі электромотор мен үш түрлі батарея алуы керек еді, алайда сериялық нұсқада тек екеу болады. Ең арзан модификациялар 163 ат күшін (190 Нм) беретін мотор, 51.48 кВт·сағ аккумулятормен жабдықталады, мұндай A06 қуаттаусыз 510 шақырым жүре алады. Қымбат комплектацияларға 286 ат күшін беретін қозғалтқыш пен 63.18 кВт·сағ аккумулятор орнатады, оның жүріс қоры 630 шақырымға жетеді. Батареяны 12 минутта 10-нан 80 %-ға дейін толтыруға болады.

Ұзындығы 4885 мм болатын Nevo A06-ның дөңгелек базасы — 2922 мм, жүксалғыш көлемі — 1770 литр. Лифтбэк жарықдиодты ендірмелермен әрленген. 236 модульден тұратын алдыңғы жарық жолақтың ұзындығы 2258 мм, артында 274 блок тұр. Салонына жақсарған массаж жүйесі бар орындықтар, 10.17 және 15.6 дюймдік дисплейлер, 20 динамик, 9.5 литрлік тоңазытқыш қойыпты. Шатырына 2.5 шаршы метрлік әйнек панель орнатады.

1 / 5

• 
• 
• 
• 
• 

1 / 5

Болашақта A06 топтамасына арзан модификация қосылуы мүмкін. Changan генератор рөлін атқаратын 98 ат күшіне ие іштен жанатын қозғалтқышы бар тізбекті гибрид шығаратынын мәлімдеді, бірақ бес есікті жаңа өнім нарыққа қашан шығатыны белгісіз.

Nevo суббренді Қазақстанға Deepal маркасымен бірге ресми түрде келуі ықтимал. Avatr брендінің ресми дистрибьюторы әрі Changan концерніне қатысы бар Flying Auto компаниясы осындай жоспарды қарастырып жатыр.