Changan CS75 Pro Қазақстанда жасалады

Changan-ның Қазақстандағы топтамасына CS75 индексті кроссовер қосылады. CS75 Pro атауында Plus қосымшасы бар модельмен бірге саудаланады. Оның X7 Plus деп аталатын нұсқасын жеке импорттаушылар әкеледі.

CS75 Pro көлік құралының типін мақұлдау құжатын алды. CS75 Pro Алматыдағы Astana Motors Manufacturing Kazakhstan зауытында жасалады. Компания тек 7 орынды түрленімін ұсынады.

1 / 9

• 
• 
• 
• 
• 
• 
• 
• 
• 

1 / 9

Құжатқа сәйкес модельдің ұзындығы — 4748 мм, дөңгелек базасы — 2786 мм. Жаңа өнім CS75 Plus-тан сәл кіші.

Кроссовер 181 ат күші мен 280 Нм момент беретін 1.5 литрлік турбомотормен жүреді. Құжатта беріліс қорабының түрі жазылмаған, бірақ Қытайда мұндай машина тек алдыңғы дөңгелектерді айналдыратын 7 сатылы роботпен жабдықталады.

1 / 5

• 
• 
• 
• 
• 

1 / 5

Жабдықтар тізіміне алдыңғы және бүйірлік қауіпсіздік жастығы, климат-бақылау, алдыңғы және артқы орындықтарды жылытқыш, бейнетіркеуіш, электр жетекті жүксалғыш қақпағы және парктроник кіреді.

Ресми CS75 Pro-ның бағасы мен саудаға шығатын күні белгісіз. Қазір жеке импорттаушылар ұсынатын автомобильдің құны 9.8 млн теңгеден басталады.