Carnival-дың сырғымалы есігі қауіпті ме?

Kia Carnival минивэнінің сырғымалы есігі электр жетекпен жұмыс істейді әрі қысып қалудан қорғайтын функциясы бар. Бірақ соңғы жүйе бірнеше жылдан бері компания мен клиенттер арасындағы дауға себеп болып келеді.

Желтоқсанда Kia заңгерлері сотқа ерлі-зайыпты Рэйчел және Эндрю Лангерханс бастамашы болған ұжымдық талап-арызды кері қайтару туралы өтініш жолдады. Талапкерлер өз иелігіндегі 2022 жылғы Kia Carnival-дың сырғымалы есігі жабылған кезде адамдар мен заттарға реакция бермейтінін айтқан. Ақау машинаны 2021 жылдың аяғында сатып алынған бері бар көрінеді.

Талап-арызда 2023 жылғы сервистік кампания барысында өндіруші бағдарламалық жасақтаманы жаңартып, есік ашылып-жабылғанын ескертетін дыбысты сигнал қосқаны айтылған. Бірақ қысып қалудан қорғайтын сезгектің жұмысындағы ақау жойылмаған. Талапкерлер бұл проблема шешілмесе, есік өте қауіпті (әсіресе балалар үшін) деп санайды.

Kia өкілдері бұл проблема ойдан шығарылған әрі гипотеза түріндегі қауіпке негізделген деп санайды. Себебі сырғымалы есіктен Лангерханстар еш зардап шекпеген, яғни істе жәбірленуші жоқ. Компания талапкерлер Carnival-ды сатып алған кезде сотта қарауды шектейтін арбитражды келісімге қол қойғанын да еске салды.

Айта кетейік, арыз жазғандар 5 млн доллар талап етіп отыр. Бұл сомаға жүзден аса жаңа «Карнивал» алуға болады.