Carlex Design әрлеген Рим папасы стиліндегі G-Class

«Гелендвагенге» негізделген ерекше жобаларымен танымал Carlex Design ательесі Habemus деп аталатын машинаның алғашқы рендерін көрсетті. Бұл Mercedes-тің Ватикан басшысына арнаған ресми автомобилінің вариациясы саналады, бірақ біршама айырмашылығы бар. Тюнерлер мұндай машинаның бірнеше данасын шағара ма, жоқ па, белгісіз.

Рим папасының түрлі іс-шараға мініп шығатын Mercedes-Benz-і электрлі G-класқа негізделген. Habemus қандай қозғалтқышпен жүретіні белгісіз, бірақ Carlex Design әдетте 585 ат күшіне ие AMG G63 моторын пайдаланады. Тағы бір ерекшелігі — алты дөңгелекті платформа. Шеберлер жол талғамайтын көліктің артқы жағын үшінші ось үшін біраз ұзартқан.

1 / 9

• 
• 
• 
• 
• 
• 
• 
• 
• 

1 / 9

Салоны ресми папамобильге өте ұқсайды. Шанақ ортасында орындық тұратын айналмалы тұғыр орнатылған. Жүргізуші мен алдыңғы жолаушы орнынан бөлек, атқосшылар отыратын бір жұп шағын отырғыш бар. Carlex Habemus шанағын G-Vintage топтамасына арналған винтажды стильде жасады. Бампері, радиатор торы және дөңгелек дискісі ретродизайнымен ерекшеленеді.

Habemus-ты өндіріске шығару үшін тюнинг-жобаны өзге компаниямен бірге жасау керек. Өйткені Carlex Design шанақ пен интерьер әрлей алады, ал алты дөңгелекті платформа құрастыру қолынан келмейді. Демек тюнерлерге технологиялық серіктес табуға тура келеді.