«Алматы спецтехпаркинг сервис» ЖШС және AlanParking ЖШС директорлары Марат Пірінбеков пен Мұхтар Базарбаев былтыр көктемде қамалған еді. Қараша айының аяғында қаржылық мониторинг агенттігі тергеу жұмыстарын аяқтап, істі фемида өкілдеріне өткізді.
Алмалы аудандық соты Пірінбеков пен Базарбаев алдын ала келісіп, тұраққа көлік қойған тұрғындардан түскен 225 630 072 теңгені қалтаға басқан деген шешім шығарды. Одан бөлек Базарбаев басқа тұлғалдармен бірге базар, кеңсе алдындағы тұрақтардан түскен 190 078 778 теңгені қолды етіпті.
«Тұрақ төресі» болған басшылардың кесірінен мемлекет компания қызметі нәтижесінде түсуге тиіс қаржының 30 %-нын қағылды. Сома жалпы 436 040 706 теңге құраған. Тергеушілер Базарбаев ұрлаған ақшасын жалған мәміле жасау арқылы заңдастырғанын дәлелдеді.
Істі қарау барысында кінәлілер мемлекет шығынын толық өтеді. Бірақ қылмысын мойындамай, ақылы тұрақ мегаполиске керек болды, ал қала қазынасына айыппұл, салық және дивиденд түрінде қомақты ақша түсіп отырды деп мәлімдеді.
Дегенмен сот экс-директорларды аса ірі көлемде ақша жымқырды не талан-таражға салды және қылмыстық жолмен тапқан ірі сомасын заңдастырды деп танып, мынадай жаза тағайындады:
- Пірінбековті 5 жылға бас бостандығынан айыру;
- Базарбаевты қауіпсіздігі орташа мекемеде 6 жыл 6 ай қамауда ұстау.
Сот үкімі әлі заңды күшіне енген жоқ және оған қатысты шағым түсіруге болады.
Комментариев: 0