1997 жылы C4 шанағындағы A6 моделінің өндірісі аяқталар тұста немістер оның түрленген S6 Plus нұсқасын жарыққа шығарды. Оның басты ерекшелігі капот астына әдеттегі 2.2 литрлік бес цилиндрлі агрегат орнына 322 ат күшіне ие 32 клапаны бар 4.2 литрлік DOHC V8 орнатылуында еді. Бұл машина жүздікті небәрі 5.6 секундта еңсереді.
Сонымен қатар, S6 Plus жиынтығына жетілдірілген 6 сатылы механикалық қорап, спорттық аспа мен анағұрлым өнімді тежеуіштер, 17 дюймдік Avus дискілері кірді. Алькантара былғарысымен қапталған көлік салонында люк, жады бар орындықтар мен телефон болды.
Бір жарым жыл ішінде 952 Audi S6 Plus: 855 универсал Avant пен 97 седан шығарылды. Бастапқыда испаниялық El Mundo газетінің бас директорына, кейін маркиз Антеллаға тиесілі болған Audi S6 Plus-тің бірі RM Sotheby’s аукционында саудаға салынбақ. Автокөлік тексерістен өткен, жағдайы керемет. Сатушылар оны 40 000-нан 60 000 еуроға дейінгі сомаға бағалап отыр. Мұндай ақшаға біздің елде C4 шанағындағы «жүздіктің» он шақтысын алуға болады.
Комментариев: 0