BYD жақында Қытай нарығына Ocean топтамасының жаңа кроссоверін шығарады. Тұсаукесері қашан өтетіні белгісіз, бірақ жергілікті өнеркәсіп министрлігінің сертификат базасында модельдің суреттері жарияланды. Мекеме мәліметіне сүйенсек, Sealion 06 гибрид және электрлі күштік құрылыммен сертификат алған.
Автомобиль дизайнында біршама ерекшелік бар. BYD Sealion 06 сұлбасы топтамадағы басқа электрокарларға ұқсағанымен, алдыңғы бөлігінде күтпеген шешімдер кездеседі. Мысалы, әр шамы екіге бөлінген ұзын блоктан тұратын ерекше жарық техникасы көзге түседі. Sealion 06 өзгеше алдыңғы бамперімен де ерекшеленеді. Фотосуреттен электрокар мен гибридтің сырт пішіні бірдей екені байқалады.
Жаңа өнімнің өлшемі — 4810×1920×1675 мм, дөңгелек базасы — 2820 мм.
Электрлі нұсқа бір мотормен сертификат алған. Бірақ қозғалтқыш қуаты екі түрлі: 231 немесе 245 а.к. болады. Электрокардың ең жоғары жылдамдығы — 185 км/сағ.
Гибрид 218 ат күшіне ие электромотор және 101 ат күшін беретін 1.5 литрлік дәстүрлі мотормен жүреді. Мұндай Sealion 06 электрлі нұсқадан 5 км/сағ баяу қозғалады. Батарея сыйымдылығы мен жүріс қоры белгісіз.
Sealion 06-ның ресми тұсаукесері Шанхай автосалонында өтуі мүмкін.
Комментариев: 0