BYD Yuan Up гибридін Өзбекстанда сатып жатыр. Қазақстанға келе ме?

Компания Өзбекстанда Yuan Up моделінің DM-i қосымшасы бар жаңа модификациясына тапсырыс қабылдай бастады. Бұл автомобиль гибрид құрылыммен жабдықталады дегенді білдіреді. Бұрын Yuan Up тек электромобиль болған.

1 / 11

• 
• 
• 
• 
• 
• 
• 
• 
• 
• 
• 

1 / 11

98 ат күшін беретін 1.5 литрлік атмосфералық агрегат электромеханикалық вариаторға кіріккен электромотормен (192 а.к.) жұптаса жұмыс істейді. Электрлі құрылым 18 киловаттық Blade батареясынан қуат алады. Онымен NEDC циклі бойынша 110 км еңсере алады, жалпы жүріс қоры 1100 шақырымға жетеді.

Өзбекстанда BYD жаңа өнімнің тек Flagship комплектациясын ұсынады. Оған алты қауіпсіздік жастығы, жүргізуші ассистенттерінің жинағы, бейімді круиз-бақылау, автотежеу жүйесі, айнала шолу камерасы, цифрлық аспаптар панелі, 12.8 дюймдік экран, кілтсіз ашу жүйесі, орындық пен рөл жылытқыш, панорамалы шатыр және сымсыз қуаттағыш кіреді.

1 / 5

• 
• 
• 
• 
• 

1 / 5

BYD Yuan Up DM-i 266.7 млн сум (10.5 млн теңге) тұрады. Яғни гибрид кроссовердің бағасы электрлі нұсқамен бірдей.

Бензоэлектрлі Yuan Up Қазақстанға да келеді. Бұл туралы ақпанның басында BYD-дің Қазақстандағы дистрибуция директоры Антон Кущ айтқан. Ол жаңа модель көктемде сертификат алатынын хабарлады, бірақ саудаға шығатын күнін жарияламады. Дегенмен көліктің бағасы батареялы Yuan Up сияқты 10 млн теңгеге жуық болатын сияқты.

Қазақстандағы автосалондарда сатылатын BYD Yuan Up-тың суреттерін Kolesa.kz-тегі «Жаңа көліктер» бөлімінен көре аласыз. Сол жерде модельдің сипаттамасы мен комплектациясына қарай бағасы жазылған. Елдегі бүкіл автомобиль бір бөлімде жиналған.