BYD Seal 6 гибриді Қазақстанға келеді

Жақында BYD-дің Қазақстандағы модельдер қатарына тағы бір жаңа көлік қосылады. BYD Seal 6 DM-i сертификат құжатын алды.

1 / 7

• 
• 
• 
• 
• 
• 
• 

1 / 7

Бір қызығы, елімізде Еуропаға арналған Seal 6 емес, аты өзгерген Qin L DM-i саудаланады. Автомобильдің өлшемдері — 4830×1900×1495 мм, дөңгелек базасы — 2790 мм және дәл осындай машина Өзбекстанда былтыр қазаннан бері сатылып жатыр.

Қазақстанда гибридке сұраныс артып келеді. Бұл жеке импорттаушылар әкелетін машинаға ғана емес, ресми нарықтағы өнімдерге де қатысты.

Seal 6 DM-i 99 ат күшіне ие атмосфералық бензинді қозғалтқышқа негізделген 1.5 литрлік гибрид күштік құрылыммен жүреді. Ол E-CVT қорабына кіріккен электромотормен жұптаса жұмыс істейді. Электрлі агрегат 161 немесе 215 ат күшін береді. Бірінші нұсқада көлік 10.08 кВт·сағ батареямен, екіншісінде 15.87 кВт·сағ аккумулятормен жабдықталады. Бренд Қазақстанға екі түрленімін әкеле ме, әлде тек үздік комлектацияны ұсына ма, белгісіз.

Құжатта жабдықтар тізімі туралы ақпарат жоқ, бірақ седан заманауи автомобильдерге тән цифрлық аспаптар панелі мен үлкен ортаңғы дисплей алады. Соңғысының диагоналі — 15.6 дюйм. Сымсыз қуаттағыш, климат-бақылау, айнала шолу камерасы, барлық орындықты жылытқыш, алдыңғы орындықтарды желдеткіш, панорамалы шатыр, бейнетіркеуіш және ассистенттер жинағы бар.